O río Tambre ten unha gran riqueza fluvial, sendo tempo atrás a pesca de lampreas unha importante fonte de ingresos. Desta actividade quedan vestixios nas antigas “ rodeiras” ou “ pesqueiras” que se poden ver nas marxes do río. Máis aló da propia beleza do río e os carreiros ondulantes que percorren as súas marxes, destacan especialmente a Devesa de Nimo e a ponte colgante. Na área da central hai un espazo utilizado como centro interpretativo da importancia das “ lampreeiras” e captura da lamprea.
O encoro do Tambre é unha das paraxes máis coñecidas e apreciadas de Noia, xa que acolle nun mesmo lugar espazos naturais imprescindibles e importantes monumentos arquitectónicos como a vella central hidroeléctrica do ano 1932.
O estuario comprende o último tramo do río, a súa desembocadura, o río Tines ( Concello Outes) e o fondo da Ría de Muros e Noia. Este espazo favorece a diversidade de ambientes permitindo que exista unha fauna e vexetación moi variada destacando os xuncos que cobran grandes extensións augas arriba de Ponte Nafonso. Ademais, esta zona forma parte da Rede Natura 2000, zona protexida.
Rúa Galicia, 8
De luns a Domingo de 10:00 a 15:00