Noia histórica

Para empezar a vista recomendámoste facer un percorrido polas rúas que conforman a zona histórica da vila, declarada Conxunto Histórico Artístico. Estas rúas, que te trasladarán ao medievo (recomendámosche visitala tamén durante unha das súas principais festas, a Feira Medieval), están cheas de edificios históricos como son as casas señoriais e os pazos urbanos (identificables polos seus escudos), os antigos hospitais da vila, ademais das igrexas das que che falaremos a continuación.

Construída en 1327, este templo de estilo gótico-mariñeiro galego foi declarado conxunto histórico artístico, xunto co seu cemiterio, no ano 1973. Nel destacan a escena da Epifanía, que se atopa no  tímpano da fachada; o retablo barroco  policromado da capela maior; e a pía  bautismal do século  XV. Nela poderás realizar unha viaxe a través da historia grazas ao museo de Laudas gremiais que se atopa no seu interior. Nel poderás ver lápidas que van desde a época medieval ata a Idade Moderna (S. XIV a  XIX), pertencentes a diferentes gremios profesionais e diferentes status sociais.

Terminada en 1434 e declarada Ben de Interese Cultural. É unha igrexa de estilo gótico que destaca pola amplitude da nave principal e as numerosas cores que a asolagan ao traspasar a luz as súas numerosas vidreiras e máis concretamente cando atravesa o impresionante  rosetón da fachada occidental. Na parte exterior do museo debemos prestar especial atención á portada escultórica, que deixa ver a influencia da obra do mestre Mateo no Pórtico da Gloria da catedral de Santiago. Ademais, se che gustan as lendas, convidámoste a descubrir a que conta a maldición que rodea á torre inacabada da Igrexa.

Noia é unha pequena vila mariñeira, así que para coñecer mellor a súa historia recomendámosche achegarte a visitar o Museo  do Mar. Neste museo, dedicado á vida no mar, poderás achegarte ao traballo dos mariñeiros, descubrir pezas de diferentes épocas utilizadas para traballar este campo e moito máis.

A Igrexa e o Claustro de San Francisco, que actualmente forma parte da casa do  Concello e do que vos falaremos na seguinte parada da ruta, conformaban o convento de San Francisco, de estilo oxival-renacentista e construído no S. XVI. Nesta igrexa convidámosvos a buscar e descubrir os numerosos escudos que se atopan tanto no interior como no exterior da zona próxima á cabeceira, e que pertencen ás familias que axudaron a levantar a igrexa fai centos de anos.

A actual casa do  Concello de Noia, construída a mediados do século  XX, alberga no seu interior o antigo claustro do convento de San Francisco, e destaca pola torre neogótica, cun gran arco de acceso e almenaras ornamentais, da súa fachada principal. Para coñecer mellor a historia desta vila, recomendámosche entrar no edificio, xa que no antigo claustro do convento poderás atopar diversos escudos de edificios de Noia e restos do edificio dos franciscanos, ademais do curioso arco medieval pertencente ao antigo hospital da vila, o Hospital do Santo Espírito de  Afora, que fai referencia ao mundo da peregrinación con tanta historia na vila.

Os xardíns Felipe de Castro datan de finais do século  XIX e neles poderás descubrir, grazas a diversos bustos que neles se atopan, a Noia cultural  que foi berce de artistas como Felipe de Castro, Antón Avilés de Taramancos, María Mariño ou Prudencio Romo (cofundador do grupo Os Tamara). A estes xardíns séguelles a Alameda de Noia, na que poderás deixarte impresionar, mentres gozas dun agradable descanso, dos bancos con respaldo de ferro, o  embaldosado do chan e o palco da música. Ademais, se viaxas con nenos este será o lugar perfecto para que xoguen e gocen do parque infantil que nela se atopa.