O xeógrafo Pedro García Vidal no seu libro A Noia dá memoria (1991) considera como núcleo histórico de Noia non só o espazo de intramuros medieval, espazo circundado polas murallas medievais, senón tamén os arrabaldes aparecidos nos primeiros tempos da historia da vila. As zonas de Pedrachán e Espírito Santo, a rúa da Carreiriña coa necrópole e igrexa de Santa María “A Nova”, a antiga vía a Santiago que era a Corredoira de Afora, xunto con Porta da Vila, son lugares que debemos incluír no centro histórico de Noia. Na parte norte, o conxunto da Alameda co convento de San Francisco, a rúa Besteiros e Ferrrador intégranse tamén neste espazo.
Rúa Galicia, 8
De luns a Domingo de 10:00 a 15:00